Қанды қанжар түйрелсе де қаншама,

Қаншама рет талықсысын тамсана –

Ата мекен аман қалсын әйтеуір,

Оның нұры жетеді ғой баршаға.

Басқа жақтан қаңғып келген

Талай-талай аш-арық

Біздің жерде тойынды ғой жасарып...

Енді мұнда тынышсыздау болса егер,

Әнін салып кете берсін еліне,

Жиған-терген байлығына шашалып.

Жаңа өмірдің шырқау үшін жаңа әнін,

Қолымызға жаңа тиген өзіміздің даланың

Көкірегіне гүлдер егу үшін де

Керек емес басқа мекен, басқа елдің

Мен осында қаламын.

Аударған Ф.Оңғарсынова.